Gürcüstan Milli Bankı bu ilin oktyabr ayı üçün ölkəyə pul köçürmələrinin statistikasını açıqlayıb. İdarədən bildirilib ki, bu göstərici 2022-ci ilin eyni dövrü ilə müqayisədə 43,6% azalıb.
...2023-cü ilin oktyabrında ölkəyə pul köçürmələrinin həcmi 283 milyon ABŞ dolları (761,5 milyon lari) təşkil edib ki, bu da 2022-ci ilin oktyabr ayının analoji göstəricisindən 43,6 faiz (219 milyon dollar) azdır. Xaricdən Gürcüstana pul köçürmələrinin 96,8 faizi 26 ən böyük tərəfdaş ölkədən daxil olub, oktyabrda bu ölkədən pul köçürmələrinin həcmi 1 milyon dolları ötüb. Ötən ilin oktyabrında bütün pul köçürmələrinin 97,0 faizi eyni 26 ölkədən daxil olub.
SİA-nın əldə etdiyi məlumata görə, bunu Gürcüstan Milli Bankı bildirir.
Maraqlıdır ki, ən çox pul köçürmələrinin aparıldığı ölkələrin siyahısına hələ də Rusiya başçılıq edir. Amma, qeyd edək ki, 2022-ci ilin oktyabr ayı ilə müqayisədə (299,28 milyon dollar) Rusiya Federasiyasından pul köçürmələri demək olar ki, 80 faiz azalıb.
Milli Bank həmçinin bildirir ki, 2023-cü ilin oktyabr ayında Gürcüstandan xaricə 31,5 milyon ABŞ dolları (84,8 milyon lari) göndərilib ki, bu da 2022-ci ilin oktyabr ayının analoji dövrünün (31,4 milyon dollar) göstəricisindən 0,2 faiz çoxdur.
Nazlı
Bütün xəbərlər Facebook səhifəmizdə
USD
EUR
GBP
RUB