Vladimir Putin Rusiyada prezident seçkiləri haqqında qanuna “Vətəndaşların seçki hüquqlarının əsas təminatları haqqında” federal qanuna uyğunlaşdırılan dəyişiklikləri imzalayıb. Sənəddə digər məsələlərlə yanaşı, hərbi vəziyyət dövründə prezident seçkilərinin keçirilməsi proseduruna aydınlıq gətirilir.
Belə ki, ərazinin bir hissəsində hərbi vəziyyət tətbiq olunduğu halda Rusiya Prezidenti seçkiləri “Rusiya vətəndaşlarının səsvermə hüquqlarının və referendumda iştirak etmək hüququnun əsas təminatları haqqında” qanunun 10.1-ci maddəsinə uyğun olaraq orada keçirilə bilər.
Mərkəzi Seçki Komissiyası seçkilərin hazırlanması və keçirilməsi rusların həyatı və sağlamlığı üçün təhlükə yaradarsa, onları təxirə sala bilər.
İndi Ukraynanın Rusiya qoşunları tərəfindən işğal olunmuş ərazilərində - Donetsk, Luqansk, Zaporojye və Xerson vilayətlərinin bir hissəsində hərbi vəziyyət tətbiq edilib. Rusiya Federasiyasının qanunlarına görə, Ukraynanın Rusiya tərəfindən işğal olunmuş ərazilərində seçkilər Mərkəzi Seçki Komissiyası, Müdafiə Nazirliyi və Federal Təhlükəsizlik Xidməti ilə məsləhətləşmələrdən sonra keçirilə bilər. Həm hərbi vəziyyətin tətbiq olunduğu bütün ərazidə, həm də onun yalnız bir hissəsində səsvermənin keçirilməsinə icazə verilir.
SİA-nın əldə etdiyi məlumata görə, dəyişikliklər hərbi hissələrdəki seçki məntəqələrində foto və video çəkilişi qadağan edir. Bu, yalnız bölmə komandiri ilə razılaşdırılaraq, akkreditə olunmuş media nümayəndələri tərəfindən edilə bilər.
Nazlı
Bütün xəbərlər Facebook səhifəmizdə
USD
EUR
GBP
RUB