Fransanın xarici işlər naziri Ketrin Kolonna və Fələstin Baş naziri Məhəmməd İştiyye Fransanın paytaxtı Parisdə görüşüb.
Nazir Kolonna "X" sosial media platformasında etdiyi paylaşımda dünən Parisdə keçirilən "Qəzza üçün Beynəlxalq Humanitar Konfrans"dan sonra Fələstin Baş naziri Ştiyye ilə görüşdüklərini bildirib.
SİA xarici qaynaqlara istinadən xəbər verir ki, görüş zamanı Qəzza zolağında atəşkəsə səbəb ola biləcək humanitar müdaxilənin təcili olduğuna diqqət çəkildiyini bildirən Kolonna Fələstin məsələsi üçün vacib olan iki dövlətli həll mövzusunda İştiyə ilə də fikir mübadiləsi apardıqlarını qeyd edib.
"Qəzza üçün Beynəlxalq Humanitar Konfrans"da Fransa Prezidenti Emmanuel Makron, Avropa İttifaqı (Aİ) Komissiyasının sədri Ursula fon der Leyen, Aİ Şurasının sədri Şarl Mişel, Yunanıstanın Baş naziri Kiryakos Mitsotakis, Cənubi Kıbrıs (Kipr) Rum İdarəsinni rəhbəri Nikos Hristodulidis, İrlandiyanın Baş nazir Leo Varadkar, Beynəlxalq Qızıl Xaç Komitəsinin (ICRC) sədri Mirjana Spoljaric Egger, eləcə də bir çox ölkədən rəsmi şəxslər və qeyri-hökumət təşkilatlarının nümayəndələri iştirak ediblər.
Konfransda Türkiyeni xarici işlər nazirinin müavini Əhməd Yıldız təmsil edib.
Xatırladaq ki, “Həmas”ın hərbi qanadı Qəssam Briqadaları oktyabrın 7-si gecəsi İsrailə qarşı “Əqsa tufanı” adlı hərtərəfli hücuma keçib. Qəzzadan İsrailə doğru minlərlə raket atılıb, silahlı qruplar bölgədəki yaşayış məntəqələrinə daxil olub. İsrail ordusu da döyüş təyyarələri ilə Qəzza zolağına qarşı “Dəmir qılınclar” əməliyyatına başlayıb.
Artan gərginlikdə hər iki tərəfdən minlərlə itki, minlərlə yaralı var.
Bütün xəbərlər Facebook səhifəmizdə
USD
EUR
GBP
RUB