Türkiyə Böyük Millət Məclisi (TBMM) Ədalət Komissiyasının sədri Cüneyt Yüksel bütün ölkələrin parlamentlərinin ədliyyə və hüquq komissiyalarının başçılarına məktub ünvanlayaraq, “Fələstində atəşkəs və daimi sülhün təmin edilməsi üçün beynəlxalq səylərə” çağırıb. SİA bu barədə Tükiyə saytlarına istinad edir.
C.Yükselin məktubu bütün ölkələrin parlamentlərinin ədliyyə və hüquq komissiyalarının rəhbərlərinə ünvanlanıb.
Məktubda vurğulanıb ki, regionda davam edən münaqişələr və bombalamalar, humanitar hüquq qaydalarının pozulması beynəlxalq ictimaiyyətin təcili diqqətini tələb edən mühüm insan hüquqları problemlərini gündəmə gətirir.
Məktubda Qəzza zolağı və İordan çayının qərb sahilindəki müharibənin böyüklüyü və təsirinin dağıdıcı olduğu, günahsız insanların, xüsusilə də uşaq və qadınların itkisinin, xəstəxanaların, kritik elektrik və su infrastrukturunun dağıdılmasının ciddi narahatlıq doğurduğu qeyd edilib.
Məktubda İsrailin Qəzzaya hücumlarında xəstəxanalar, məktəblər, məscidlər, kilsələr, bazar və uşaq meydançalarının hədəf alındığı xatırladılaraq, dinc əhalinin günlərdir ayrı-seçkilik etmədən hücuma məruz qaldığı və İsrailin birbaşa və şüurlu şəkildə sıx məskunlaşan yaşayış məntəqələrini hədəf aldığı bildirilib.
Məktubda o da vurğulanıb ki, Qəzza zolağında həyata keçirilən vəhşi hücumlar “soyqırım” çərçivəsində qiymətləndirilə bilər və beynəlxalq ictimaiyyət bu məsələdə qətiyyətli mövqe nümayiş etdirməlidir. Məktubda ayrıca ədliyyə və hüquq komissiyalarının nümayəndələrindən “dərhal atəşkəsə" çağırmaları istənib və “Fələstindəki bombardmanların və zorakılığın pislənməsi”, “dərhal humanitar yardım göndərilməsi”, “soyqırım iddialarının hərtərəfli və qərəzsiz araşdırılması" tələb edilib. Bundan əlavə "1967-ci il sərhədləri çərçivəsində iki dövlətli həll əsasında münaqişənin sülh yolu ilə və daimi həllinə yönəlmiş beynəlxalq səylərin dəstəklənməsi istənib.
Qeyd edək ki, oktyabrın 7-dən bəri İsrailin Qəzzaya etdiyi hücumlarda 10 mindən çox adam ölüb.
Bütün xəbərlər Facebook səhifəmizdə
USD
EUR
GBP
RUB