İran hakimiyyəti hüquq müdafiəçisi, Nobel Sülh Mükafatı laureatı Narges Mohammadini hicab taxmaqdan imtina etdiyi üçün həbsxanadan xəstəxanaya köçürməkdən imtina edir.
SİA-nın əldə etdiyi məlumata görə, bu barədə Məhəmməd Tağı Rəhmaninin əri “Radio Farda”ya müsahibəsində danışıb.
Onun sözlərinə görə, həbsxana rəsmiləri Nargesi müayinə edən və “kritik ağciyər təzyiqi və pis arterial vəziyyəti” aşkar edən həbsxana həkiminin onu təcili olaraq mülki xəstəxanaya müalicə üçün köçürmək əmrinə məhəl qoymayıb. Noyabrın 1-də Nargesin ailəsi bildirdi ki, o və digər məhbuslar onu ürək xəstəxanasına köçürməkdən imtinaya etiraz olaraq Evin həbsxanasında oturaq aksiya keçiriblər.
Xatırladaq ki, Narges Mohammadi 2023-cü il Nobel Sülh Mükafatına “İranda qadınların zülmünə qarşı və hamı üçün insan hüquq və azadlıqlarının təşviqi uğrunda mübarizəsinə görə” layiq görülüb.
O, illərdir iranlı qadınlara tətbiq edilən məcburi hicab qaydasına, eləcə də İranda qadın hüquq və azadlıqlarının məhdudlaşdırılmasına qarşı olduğunu bildirib.
İran hakimiyyəti onu 13 dəfə həbs edib, beş dəfə mühakimə edib və ümumilikdə 154 şallaq zərbəsi və 31 il həbs cəzası verib.
Ərinin sözlərinə görə, Nobel Sülh Mükafatı İran hakimiyyətinin Narges Mohammadiyə təzyiqlərini artırıb və bəziləri ittihama əsas kimi onun ifadələrini göstərib.
Nazlı
Bütün xəbərlər Facebook səhifəmizdə
USD
EUR
GBP
RUB