Bu arada Moskva məhkəməsi yazıçı Dmitri Qluxovskinin “VKontakte” sosial şəbəkəsindəki paylaşımlarının birində “xarici agent” işarəsinin olmamasına görə ona 50 min rubl məbləğində inzibati cərimə kəsib.
SİA-nın əldə etdiyi məlumata görə, bu barədə Mediazona məhkəmənin mətbuat xidmətinə istinadən xəbər verir.
27 fevral tarixli nəşrində Qluxovski oxucularından “xarici agent” statusuna görə hazırda Rusiyada qablaşdırılaraq satılan kitablarının fotolarını göndərmələrini xahiş edib. Əvvəllər yazıçı “xarici agentin fəaliyyəti qaydasının pozulması” ilə bağlı eyni maddə ilə 40 min rubl məbləğində inzibati cəriməyə məruz qalmışdı.
Qeyd edək ki, Dmitri Qluxovski hazırda Rusiyada ən çox oxunan müasir yazıçı və publisistlərdən biridir, “Moskva 2033”, “Poçt” və “Alatoranlıq” bestsellerlərinin müəllifidir. Rusiyanın Ukraynaya hərbi təcavüzü başlayandan bəri Qluxovski sosial şəbəkələrində dəfələrlə müharibə əleyhinə yazılar dərc edib. O, Ukraynanın dinc sakinlərinin öldürülməsindən və Rusiya ordusunun itkilərindən də danışıb. 2022-ci ilin oktyabrında yazıçı Rusiya Ədliyyə Nazirliyi tərəfindən KİV-in “xarici agentlər” reyestrinə daxil edilib.
Bu ilin avqustunda Moskvanın Basmannı məhkəməsi Qluxovskini Rusiya ordusu ilə bağlı qondarma saxtakarlıqlara görə qiyabi olaraq 8 il müddətinə azadlıqdan məhrum edib. Müstəntiqlərin fikrincə, yazıçı 2022-ci ilin mart-may ayları arasında ölkədən kənarda olarkən “sosial şəbəkələrdə Rusiya hərbçilərinin Ukraynadakı hərəkətləri ilə bağlı qəsdən yalan məlumatlar olan mətn mesajları və videolar yerləşdirib”.
Nazlı
Bütün xəbərlər Facebook səhifəmizdə
USD
EUR
GBP
RUB