Cənubi Corciya ştatının Quşlar adasında qəhvəyi skuaların virusa yoluxması müsbət nəticələndikdən sonra Antarktika bölgəsində yüksək patogenli quş qripi (HPAI) təsdiqlənib.
Tədqiqatçılar əvvəllər epidemiyanın bir çox Antarktika vəhşi təbiəti növlərinə dağıdıcı təsir göstərə biləcəyi ilə bağlı narahatlıqlarını dilə gətiriblər. Bölgədəki hökumət və tədqiqat qrupları xəstəliyin yayılmasını izləmək və məhdudlaşdırmaq üçün tədbirlər görür, o cümlədən heyvanlarla işləmə fəaliyyətini dayandırıblar.
Qeyd edək ki, Antarktida çoxsaylı dəniz quşları, pinqvinlər və digər quşların vətənidir. Bu quşlar çox vaxt sıx məskunlaşır və quş qripinə qarşı məhdud təbii immunitetə malikdirlər, bu da onları infeksiyaya qarşı son dərəcə həssas edir.
SİA-nın əldə etdiyi məlumata görə, bu ayın əvvəlində Antarktika tədqiqat qrupları yüksək yoluxucu virusu vəhşi heyvanlardan özlərinə ötürməmək üçün dəniz quşlarının yaxınlığında işləyərkən qoruyucu geyim və maskalar kimi əlavə tədbirlər gördüklərini açıqlayıblar.
Deyilənlərə görə, quş qripi yoluxmuş quşların tükləri və tənəffüs yolları ilə yayılır, ona görə də virus Quşlar adasından Antarktika bölgəsinin qalan hissəsinə sürətlə yayıla bilər.
Və təbii ki, bu, quşların kütləvi ölümünə səbəb ola bilər.
Maraqlıdır, təkcə quşlarınmı..?
Nazlı
Bütün xəbərlər Facebook səhifəmizdə
USD
EUR
GBP
RUB