Türkiyə Prezidenti Rəcəb Tayyib Ərdoğan Yaxın Şərqdə atəşkəsin təmin edilməsi ilə əlaqədar çağırış etməyən Avropa İttifaqına müraciət edərək deyib: ''Daha nə qədər insan ölməlidir?” SİA bu barədə Tükiyə saytlarına istinad edir.
Rəcəb Tayyib Ərdoğan Beştəpə Millət Konqres və Mədəniyyət Mərkəzində keçirilən 8-ci Ailə Şurasında etdiyi çıxışında İsrailin Qəzza zolağına davam edən hücumlarına toxunub.
İsrail rəhbərliyinin amansız qətliam törətdiyini bildirən Rəcəb Tayyib Ərdoğan deyib ki,Qəzzaya edilən hücumlar artıq özünümüdafiə hüququnu keçərək açıq zülmə, qəddarlığa və barbarlığa çevrilib.
“Dünən Avropa İttifaqı Komissiyası “Hələlik atəşkəslə bağlı çağırış edə bilmərik'' dedi. Daha nə qədər insan ölməlidir, nə qədər uşaq ölməlidir? İnsan hüquq və azadlıqları ilə bağlı dərs verənlər məzlum Qəzza xalqının yaşamaq hüququnu 19 gündür ki, görməzlikdən gəlir. Avropa Komissiyasının atəşkəslə bağlı çağırış etməsi üçün daha nə qədər uşaq ölməlidir? BMT TŞ-nin hərəkətə keçməsi üçün Qəzzaya daha neçə ton bombanın düşməsi lazımdır?"
Türkiyənin Qəzzaya etdiyi yardıma toxunan Rəcəb Tayyib Ərdoğan Qəzza üçün Misirə göndərilən yardım materiallarının ümumi miqdarının 200 tonu keçdiyini bildirib. Rəcəb Tayyib Ərdoğan bildirib ki, Türkiye Qəzza əhalisinin təcili ehtiyaclarını ödəmək üçün səylərini daha da artırır.
Rəcəb Tayyib Ərdoğan deyib: “Gözümüzün qarşısında bir vəhşilik yaşanarkən heç kim bizdən susmamızı gözləyə bilməz”.
Bütün xəbərlər Facebook səhifəmizdə
USD
EUR
GBP
RUB