Bu arada Gürcüstanın baş naziri İrakli Qaribaşvili prezident Salome Zurabişvilinin hərəkətlərini “rüsvayçılıq”, Konstitusiya Məhkəməsinin onun Gürcüstan Konstitusiyasını pozduğunu etiraf etməsini isə “kədərli fakt” adlandırıb.
“...Məhkəmənin qərarına gəlincə, bu, üzücü faktdır. Təəssüflər olsun ki, bu sübut olunub: ölkənin, dövlətimizin başçısı Salome Zurabişvili başqalarına nümunə göstərmək, qanuna riayət etmək əvəzinə, Konstitusiyanı mütəmadi pozandır. Bu isə biabırçılıqdır”, - Qaribaşvili bildirib.
Onun sözlərinə görə, hakim partiyanın təşəbbüsü ilə həyata keçirilən impiçment prosedurunun məqsədi Gürcüstanın Avropanın demokratik ölkəsi olduğunu və heç kimin qanundan üstün olmadığını göstərmək olub.
Qaribaşvili həmçinin qeyd edib ki, prezidentin impiçmenti mövzusu heç bir şəkildə Avropa İttifaqında namizədin statusuna təsir etmir, çünki bu, ölkənin daxili işidir və “şərəf məsələsidir”.
SİA-nın əldə etdiyi məlumata görə, bu barədə “Novosti-Georgia” agentliyi xəbər verir.
Oktyabrın 16-da Gürcüstan Konstitusiya Məhkəməsi prezidentin hökumətin razılığı olmadan Berlin, Paris və Brüsselə işgüzar səfərlər edərək Konstitusiyanı pozduğunu tanıyıb. Həftənin sonuna qədər bu məsələ parlamentdə səsverməyə çıxarılacaq, hakim partiya isə impiçmenti təsdiqləmək üçün kifayət qədər səsə malik deyil.
Qeyd edək ki, prezident Salome Zurabişvilinin Gürcüstan Konstitusiyasını pozması ilə bağlı qərarla razılaşmayan Konstitusiya Məhkəməsinin hakimləri əsas qanunda prezidentin “etimadın itirilməsi” səbəbindən vəzifəsindən kənarlaşdırılması nəzərdə tutulmamışdır.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB