Türkiyə Statistika Təşkilatı işçi qüvvəsi məlumatlarını açıqlayıb.
SİA-nın türk saytlarından əldə etdiyi məlumata görə, işsizlik nisbəti avqust ayında bir əvvəlki ayla müqayisədə 0,2 bal azalaraq 2014-cü ilin yanvar ayından bəri ən aşağı səviyyə olan 9,2 faizə çatıb.
İşsizlərin ümumi sayı 56 min nəfər azalaraq 3 milyon 223 min nəfər olub ki, bu da son 5 il yarımın ən aşağı səviyyəsidir.
Avqust ayında ölkədə işlə təmin olunanların sayı da artıb. İşçi qüvvəsinə qatılanların sayı 31 milyon 686 minə yüksəlib.
Türkiyə Statistika Təşkilatı sənaye istehsalı məlumatlarını da açıqlayıb.
Buna görə, Türkiyədə sənaye istehsalı dalbadal 4-cü ayda da artıb və avqust ayında illik 3,1 faiz artım qeyd etib.
Mədənçıxarma və karxana sənayesində istehsalda 5,1 faiz artım olub. Artım elektrik enerjisi, qaz, buxar və kondisioner istehsalı və paylanması üzrə 4,9 faiz təşkil edib.
Bütün xəbərlər Facebook səhifəmizdə
USD
EUR
GBP
RUB