Liviyanın şərqində həyatı iflic edən "Daniel" fırtınası və daha sonra baş verən daşqınlar nəticəsində 429 işçi miqrantın öldüyü, 500-nün də itkin düşdüyü bildirilib.
SİA xəbər verir ki, Beynəlxalq Miqrasiya Təşkilatının yaydığı bəyanatda sentyabrın 10-da Liviyanın şimal-şərqində baş verən fırtına və daşqınlar səbəbindən təxminən 42045 min adamın yurd-yuvalarından didərgin düşdüyü, bəzi ailələrin evlərinə qayıtdığı qeyd olunub.
Bəyanatda 10-24 sentyabr tarixləri arasında baş verən fırtına nəticəsində 429 işçi miqrantın öldüyü, 500-nün də itkin düşdüyü bildirilir.
Sentyabrın 10-da mərkəzi Aralıq dənizində tüğyan edən və Liviyanın şərqində həyatı iflic edən "Daniel" fırtınası Benqazi, Beyda, Mərc, Suse və Derna şəhərlərində daşqınlara səbəb olub.
Milli Birlik Hökumətinin Baş naziri Əbdülhəmid Dibeybe daşqınlarla əlaqədar dünən ölkədə 3 günlük matəm elan edib, Liviya Prezident Şurası isə daşqınlardan zərər çəkmiş bölgələr üçün qardaş ölkələr və beynəlxalq qurumlardan kömək istəyib.
Birləşmiş Millətlər Təşkilatının Humanitar Məsələlər üzrə Koordinasiya Ofisinin (OCHA) oktyabrın 2-də yayımladığı hesabatda daşqınlar nəticəsində 4 min 255 nəfərin həyatını itirdiyi, 250 min insanın daşqından zərər çəkdiyi, 40 min adamın da evlərini tərk etmək məcburiyyətində qaldığı bildirilib.
Bütün xəbərlər Facebook səhifəmizdə
USD
EUR
GBP
RUB