İsveçin Baş naziri Ulf Kristersson ölkəsinin NATO-ya üzvlük müraciətinin bu ay ərzində Türkiyə Böyük Millət Məclisində (TBMM) təsdiqlənəcəyini əminliklə deyə bilməyəcəyini bildirib.
SİA-nın əldə etdiyi məlumata görə, ölkəsinin NATO müraciəti ilə bağlı İsveç mətbuatına açıqlama verən Kristersson İsveçin NATO üzvlüyünə Türkiyənin qərar verəcəyini vurğulayıb.
Kristersson "NATO üzvlüyümüzün oktyabrda təsdiqlənəcəyinə söz verə bilmərəm. Bu qərar Türkiyəyə məxsusdur, Türkiye öz qərarlarını verir" deyib.
Baş nazir Kristersson deyib: "Hər kəs bunu belə şərh edir ki, İsveçin NATO-ya üzvlüyü parlament açıldıqdan sonra təsdiqlənəcək. Parlament artıq açılıb. Hesab edirəm ki, İsveçin NATO üzvlüyünün təsdiqlənməsinin vaxtı çatıb".
İsveçin müdafiə naziri Pal Conson da Türkiyə ilə yaxşı münasibətlər qurmaq istədiklərini bildirib.
Conson Polşada keçirilən “Varşava Təhlükəsizlik Forumu”nda Türkiyenin ölkəsinin NATO üzvlüyünə yanaşması ilə bağlı sualı cavablandırıb.
"Türkiyə bizim mühüm müttəfiqimizdir. Biz NATO-ya üzv olanda Türkiye ilə yaxşı münasibətlər qurmaq istəyirik. Bununla belə, hazırda yaxın zamanda üzv olmağımızın vacib olduğunu düşünürəm" , - deyə o qeyd edib.
Bütün xəbərlər Facebook səhifəmizdə
USD
EUR
GBP
RUB