Latın Amerikası ölkələri paytaxt Ankarada törədilən terror aktını pisləyib, Türkiyə hökuməti və xalqı ilə həmrəy olduqlarını bildiriblər. SİA bu barədə Tükiyə saytlarına istinad edir.
Kolumbiya Xarici İşlər Nazirliyinin "X" sosial media hesabından edilən paylaşımda “Kolumbiya paytaxt Ankarada Daxili İşlər Nazirliyinin yaxınlığında törədilən terror aktını qətiyyətlə pisləyir” deyilib.
Ekvador Xarici İşlər Nazirliyinin etdiyi paylaşımda da Türkiyə ilə həmrəylik ifadə olunub, terror aktı pislənilib və yaralananlara tezliklə şəfa dilənib.
Peru hökumətinin internet saytında verilən açıqlamada Ankarada törədilən terror aktının şiddətlə pisləndiyi, türk xalqı və hökuməti ilə “güclü” həmrəyliyin ifadə edildiyi bildirilib.
El Salvador Xarici İşlər Nazirliyinin verdiyi açıqlamada Ankarada törədilən terror aktı "ən güclü şəkildə" pislənilib və Türkiyə xalqı və hökuməti ilə həmrəy olduğu ifadə edilib.
Paraqvay hökumətinin saytında verilən açıqlamada “Paraqvay Respublikası hökuməti dünən səhər saatlarında Türkiyə Cümhuriyyətinin paytaxtı Ankarada terrorçular tərəfindən həyata keçirilən intiharçı hücumu qətiyyətlə pisləyir” deyilib.
Braziliya Xarici İşlər Nazirliyinin internet saytında yer alan açıqlamada 2 polisin yaralandığı terror aktı xəbərinin “kədərlə” qarşılandığı bildirilib. Açıqlamada "Braziliya türk xalqı və hökuməti ilə həmrəy olduğunu vurğulayır. Səbəbindən asılı olmayaraq hər cür terror aktını qətiyyətlə rədd etdiyini bir daha vurğulayır" deyilib.
Qvatemala Xarici İşlər Nazirliyinin "X" hesabında edilən paylaşımda Ankarada törədilən terror aktı pislənərək belə deyilib:
“Türkiye xalqı və hökuməti ilə tam həmrəy olduğumuzu bildirir və yaralananların tezliklə sağalmasını diləyirik”.
Meksika Xarici İşlər Nazirliyinin saytından “Meksika Ankarada törədilən terror aktını pisləyir, Türkiyə ictimaiyyəti və hökuməti ilə həmrəy olduğunu bildirir və hücumda yaralananların tezliklə sağalmasını arzulayır” ifadələri paylaşılıb.
Venesuelanın xarici işlər naziri İvan Gil də "X" sosial media hesabındakı paylaşımında terror aktını pislədiklərini və Türkiyə ilə həmrəy olduqlarını bildirib.
Bütün xəbərlər Facebook səhifəmizdə
.jpg "Mehdiyev kimlərin VƏZİFƏSİNƏ SON QOYUB? - DƏHŞƏTLİ FAKTLAR!")
.jpg "TƏCİLİ! Bütün Hava Limanları Bağlanır! - Rusiya hərəkətə keçdi!")
.jpg)
USD
EUR
GBP
RUB