ABŞ prezidenti Cozef Bayden - Qarabağ ətrafında son hadisələr və Moskva ilə İrəvan arasında pisləşən münasibətlər fonunda Ermənistanın baş naziri Nikol Paşinyana şəxsi mesaj göndərib.
SİA-nın rus saytlarından əldə etdiyi məlumata görə, həmin gün Rusiya Xarici İşlər Nazirliyi Paşinyana misli görünməmiş sərt tənqidlə hücum edib, onun Moskvaya qarşı eyni dərəcədə kəskin ifadələrinə cavab verib.
Qeyd edək ki, Baydenin mesajını Paşinyana ABŞ Dövlət Katibinin Avropa və Avrasiya məsələləri üzrə köməkçisi vəzifəsini icra edən Yuri Kim ilə birlikdə sentyabrın 25-də Ermənistana gələn ABŞ Beynəlxalq İnkişaf Agentliyinin (USAID) direktoru Samanta Pauer çatdırıb.
Onu da qeyd edək ki, Baydenin mətni dərc olunmuş mesajında ABŞ-ın Ermənistanda suverenlik, müstəqillik, ərazi bütövlüyü və demokratiyanı dəstəklədiyi bildirilir. Sənəddə Ermənistan rəhbərliyinin sülh arzusu da qeyd edilir və ABŞ-ın ölkəyə humanitar eləcə də digər yardımlar göstərəcəyi vurğulanır.
Bayden, həmçinin ermənilərin ölülərinə də başsağlığı əta etməyi unutmur.
Yeri gəlmişkən, hazlrda İrəvanda Paşinyanın istefası şüarları altında hökumət əleyhinə etirazlar davam edir.
Amerikalı senator Qari Piters bazar ertəsi Yerevanda Ermənistan parlament müxalifətinin nümayəndələri ilə görüşüb.
Dediyimiz kimi, Rusiya Xarici İşlər Nazirliyi bazar ertəsi Paşinyanın bir gün əvvəl verdiyi bəyanatları tənqid edən kəskin bəyanat yayıb. “Daxili və xarici siyasətdəki uğursuzluqlara görə məsuliyyəti Moskvanın üzərinə ataraq, məsuliyyətdən azad olmaq cəhdi var”, - deyə bəyanatda qeyd olunur.
Rusiya Xarici İşlər Nazirliyi Ermənistanın baş nazirini Rusiyadan üz döndərməkdə ittiham edir, onun ölkəni Qərbin geosiyasi oyunlarının girovuna çevirdiyini iddia edir, Rusiya və KTMT-nin səhvləri ilə bağlı iddiaları inandırıcı olmayan hesab edir.
...2020-ci ilin payızında Rusiya Federasiyasının və şəxsən Prezident Vladimir Putinin səyləri Qarabağda Ermənistanın tam məğlubiyyətinin qarşısını almağa imkan verdi. Rusların verdiyi bəyanatda belə deyilir.
Bəyanatda daha sonra Qarabağın hələ üç ildən sonra Azərbaycanın nəzarətinə qayıtması faktı Paşinyanın “Qərbin öyüd-nəsihətinə uyması” və Azərbaycanın Dağlıq Qarabağ üzərində suverenliyini tanıması ilə izah olunur.
Rusiya Xarici İşlər Nazirliyi iddia edir ki, Rusiya, Azərbaycan və Ermənistan liderləri arasında Dağlıq Qarabağın statusu ilə bağlı qərarı gələcək nəsillərə buraxmaq üçün hansısa centlmen razılaşması olub.
Bir daha xatırladaq ki, bazar günü Nikol Paşinyan televiziya ilə çıxışında Qarabağdakı son hadisələrlə bağlı yenidən Rusiyanı tənqid edib. Paşinyanın sözlərinə görə, Ermənistan müttəfiqlik öhdəliklərini pozmasa da, hadisələrin təhlili göstərir ki, ermənilərin uzun illər arxalandığı təhlükəsizlik sistemləri və müttəfiqləri onların zəifliyini göstərmək eləcə də erməni xalqının bu təhlükəyə məruz qalmasının mümkünsüzlüyünə haqq qazandırmaq vəzifəsi qoyublar.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB