Türkiyənin milli müdafiə naziri Yaşar Gülər deyib:“Daha güclü Şimali Makedoniya ilə öz regionunda fəal olan və dünyada əhəmiyyətli gücə çevrilən Türkiyə arasındakı həmrəylik və əməkdaşlıq Balkanların təhlükəsizliyinə töhfə verəcək”. SİA bu barədə Tükiyə saytlarına istinad edir.
Nazir Yaşar Gülər Şimali Makedoniya Milli Günü və Silahlı Qüvvələr Günü münasibətilə paytaxt Ankarada təşkil edilən tədbirdə iştirak edib.
Tədbirdə çıxış edən Yaşar Gülər Türkiyə ilə Şimali Makedoniya arasındakı tarixi əlaqələrə və köklü qardaşlıq bağlarına diqqət çəkib.
“Bu çoxəsrlik qardaşlıq bağlarının təzahürü olaraq Türkiyə Şimali Makedoniyanın müstəqilliyini tanıyan ilk ölkələrdən biri oldu”,-deyə Yaşar Gülər vurğulayıb.
İki ölkə arasında siyasi, hərbi, ticarət, təhsil və turizm başda olmaqla bir sıra sahədə əməkdaşlıq imkanlarının olduğunu bildirən Yaşar Gülər deyib:"Əməkdaşlığımız daim inkişaf edir. Şimali Makedoniyanın ictimai quruluşunun hüzurlu olması Balkanlar üçün son dərəcə əhəmiyyətlidir. Şimali Makedoniya və Türkiyə arasındakı həmrəylik və əməkdaşlıq Balkanların təhlükəsizliyinə töhfə verəcək”.
Bütün xəbərlər Facebook səhifəmizdə
.jpg)
USD
EUR
GBP
RUB