Ali Radada tələbələr üçün səfərbərlikdən möhlətin aradan qaldırılmasını təklif edən qanun layihəsi qeydə alınıb.
SİA-nın Ukrayna saytlarından əldə etdiyi məlumata görə, burada söhbət ikinci və ya üçüncü təhsil alan kişilərdən gedir.
Parlamentin milli təhlükəsizlik, müdafiə və kəşfiyyat komitəsinin üzvü, “Xalqın xidmətçisi” partiyasının fraksiyasının üzvü Fyodor Venislavski telemarafonda qeyd edib ki, hazırda 60 minə yaxın kişi səfərbərlikdən yayınmaq üçün əlavə təhsil almaq qərarına gəlib.
Onun sözlərinə görə, təhsil müəssisələrində əyani və ikili əsaslarla təhsil alan yaşı 25-dən yuxarı olan kişiləri hərbi xidmətə çağıra bilmədikləri üçün 30 yaşdan yuxarı kişilər üçün qaydalara dəyişiklik etmək istəyirlər.
Venislavski 2019-2021-ci illərdə 25 və daha yuxarı yaşda olan 40 minə yaxın tələbənin olduğunu bildirərək, 2022-ci ildə onların sayının kəskin şəkildə artaraq 106 minə çatdığını bildirib.
Maraqlıdır, niyə? Təbii ki, səfərbərlikdən yayınmaq üçün. O da maraqlıdır ki, bu gün ölkədə bəzi abituriyentlər özlərindən daha aşağı təhsil səviyyəsinə və başqa ixtisasa daxil olublar.
Bu gün ardıcıl təhsil növlərində oxuyanların möhlət hüququ olduğunu deyən Venislavski, 30 ildən sonra ikinci, üçüncü və ya dördüncü ali təhsilə daxil olanların bu möhlət hüququndan istifadəsinin qanunsuz olduğunu bildirir.
O, qəbul edildikdən sonra bu sənəd 2022-ci ildə səfərbərlikdən yayınmaq üçün təlimdən istifadə edən kişilərə də şamil ediləcəyini bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB