Ümumilikdə dördüncü, lakin Ayın tədqiq edilməmiş cənub qütbünə ilk eniş edən Hindistan kosmik gəmisi səthdə kükürdün olduğunu təsdiqləyib. SİA xarici mətbuata istinadən xəbər verir ki, keçən həftə uğurla eniş edən “Çandrayaan-3” pilotsuz kosmik gəmisinin göyərtəsində olan Lazerlə Güclü Fraqmentasiya Spektroskopu Ayın cənub qütbündə səthə yaxın elementar tərkibin ilk sahə ölçmələrinə başlayıb.
Hindistan Kosmik Tədqiqatlar Təşkilatının (ISRO) bəyanatında deyilir: "Sahə ölçmələri bölgədə kükürdün mövcudluğunu qəti şəkildə təsdiqləyir". ISRO spektroqrafik analizlərin Ayın səthində alüminium, kalsium, dəmir, xrom və titanın da olduğunu təsdiqlədiyini və əlavə ölçmələrin manqan, silikon və oksigenin olduğunu göstərdiyini açıqladı.
ISRO cənub qütbünün kəşfiyyatını Sanskrit dilində "Müdrik" mənasını verən Pragyan adlı təkərli günəş enerjisi ilə işləyən avtomobillə davam etdirəcək. İki həftəlik istismar müddəti ərzində avtomobilin görüntüləri və elmi məlumatları ötürərək bölgəni gəzməsi gözlənilir.
Bütün xəbərlər Facebook səhifəmizdə
USD
EUR
GBP
RUB