Respublikaçılar Partiyasından ABŞ prezidentliyinə iddialılar arasında keçirilən debatın ilk turunda qalib gələn hind əsilli milyonçu Vivek Ramasvami Rusiyanın Çinlə hərbi ittifaqdan çıxması müqabilində güzəştə getməyə hazır olduğunu bildirib.
SİA-nın xarici qaynaqlardan əldə etdiyi məlumata görə, bu barədə “The American Conservative” jurnalında yazıb.
Belə ki, onun sözlərinə görə, o, Rusiya üçün Ukraynanın ilhaq edilmiş ərazilərini tanımağa və Ukraynanın NATO-ya daxil olmasını əngəlləməyə hazırdır. O, həmçinin sanksiyaları ləğv edəcəyinə və Rusiyanı dünya bazarına qaytaracağına söz verib.
Onun sözlərinə görə, Ukraynada münaqişə nə qədər uzun sürərsə, “bir o qədər aydın olur ki, yalnız bir qalib var: Çin”.
Ramasvami onu da vurğulayıb ki, o, "Ukraynada sülhü yeganə şərtlərlə" - "Amerikanın maraqlarını birinci yerə qoyan" şərtlərlə təmin edəcək.
Qeyd edək ki, bir müddət bundan əvvəl siyasətçi artıq ABŞ üçün “bir nömrəli təhlükə”ni “Çin-Rusiya alyansı” adlandırıb.
...Və hind əsilli milyonçu demişkən, “Forbes” onun xalis sərvətini 950 milyon dollardan çox qiymətləndirir. Deyilənə görə, o sərvətini biotexnika sahəsində qazanıb.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB