Finlandiya Sərhəd Mühafizəsi bəyan edib ki, dünyada ilk dəfə olaraq finlər rəqəmsal səyahət sənədləri ilə səyahət edə biləcəklər. SİA xarici mətbuata istinadən xəbər verir ki, Finlandiya Sərhəd Mühafizəsi tərəfindən edilən yazılı açıqlamada müraciətin təfərrüatları yer alıb.
Buna uyğun olaraq Finlandiyanın Finnair şirkəti ilə London, Mançester və Edinburqa səyahət edəcək vətəndaşlar rəqəmsal səyahət sənədlərini sınaqdan keçirə biləcəklər.
Bu o deməkdir ki, sərnişinlər uzun müddət gözləmədən idarəetmədən daha tez keçmək şansı əldə edəcəklər.
Açıqlamada, "Finlandiya Sərhəd Mühafizələri Finnair-in Böyük Britaniya uçuşlarında olan sərnişinləri avqustun 28-dən etibarən Helsinki-Vantaa Hava Limanında sərhəd nəzarətində rəqəmsal səyahət sənədlərini sınamağa dəvət edir. Finnair müştəriləri London, Mançester və Edinburq marşrutlarında normal rejimdən sərhəd nəzarətində növbə gözləmədən daha tez və rahat keçmək imkanı var” ifadələri yer alıb.
Tətbiqə görə, sərnişinlər rəqəmsal səyahət sənədi sisteminin könüllü istifadəçiləri kimi qeydiyyatdan keçməklə prosedurları daha tez başa çatdıracaqlar.
Fiziki pasportun rəqəmsal versiyası olaraq elan edilən DTC (Digital Travel Credentials) dünyada ilk dəfə olaraq Finlandiyada sınaqdan keçirilir.
Ləman Sərraf
Bütün xəbərlər Facebook səhifəmizdə
USD
EUR
GBP
RUB