Ulyanovsk vilayət məhkəməsi “Yeni Xalq” partiyasının namizədi Aleksandr Kaplinanı seçkidən geri çəkib.
SİA-nın rus saytlarından əldə etdiyi məlumata görə, Kaplin xarici şirkətlərdə səhmlərə sahibdir.
Deyilənlərə görə, siyasətçi onlardan qurtulmağa çalışsa da, ancaq bir hissəsini sata bilib – Avropa İttifaqı və dünyanın bir çox ölkəsi Rusiyaya qarşı sanksiyalar tətbiq etdikdən sonra onun səhmləri də bloklanıb. Qeyd eilir ki, Kaplinin namizəd kimi qeydiyyatının ləğvi ilə bağlı iddialar rayon və regional seçki komissiyaları tərəfindən irəli sürülüb. Onlar siyasətçinin xarici maliyyə alətlərinə sahib olduğuna diqqət çəkiblər ki, bu da onun namizədliyini irəli sürməyə imkan vermir.
Komissiya digər namizədə - "Ədalətli Rusiya - Həqiqət naminə" partiyasından Mixail Vuikoya qarşı da oxşar iddialarla çıxış edib. Amma Kaplindən fərqli olaraq, Vuiko könüllü olaraq namizədliyini geri götürüb.
Maraqlıdır ki, Kaplin həmçinin məhkəmənin qərarından apellyasiya şikayəti vermək niyyətindədir və sübut edir ki, onun aktivlərindən xilas olmaq üçün heç bir yolu yoxdur, çünki onlar bloklanıb, nə satıla, nə də bağışlana bilər.
Yeri gəlmişkən, Aleksandr Kaplin hüquqşünas, ekoloq və ictimai fəaldır. 2005-2010-cu illərdə Ulyanovsk Şəhər Dumasının deputatı, 2011-2019-cu illərdə isə Rosprirodnadzorun regional şöbəsinə rəhbərlik edib. Dairəsindəki seçkilərdə o, “Vahid Rusiya” partiyasının regional şöbəsinin katibi Vasili Qvozdevin əsas rəqiblərindən biri olacaqdı.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB