Sudanda ölkənin qərbindəki Cənubi Darfur əyalətinin Nyala şəhərində ordu ilə Çevik Dəstək Qüvvələri (HDK) arasında baş verən qarşıdurmalarda 60 nəfərin öldüyü, təxminən 50 min insanın isə didərgin düşdüyü açıqlanıb.
Birləşmiş Millətlər Təşkilatının Humanitar Məsələlər üzrə Koordinasiya Ofisindən (OCHA) verilən açıqlamada 11-17 avqust tarixlərində Sudan Silahlı Qüvvələri ilə HDK arasında qarşıdurmaların Nyalada yenidən alovlandığı və bunun mülki insanlara mənfi təsir göstərdiyi bildirilib. SİA bu barədə Tükiyə saytlarına istinad edir.
Nyala şəhərində baş verən qarşıdurmalarda 60 nəfərin öldüyü, 250 nəfərin yaralandığı, 50 minə yaxın insanın isə didərgin düşdüyü açıqlanıb.
"Hazırda kadr çatışmazlığı olan Nyala Sudan Türkiye Tədris və Araşdırma Xəstəxanasının əməkdaşlarının yaralılarla mübarizə apardığı bildirilir və sahədəki humanitar tərəfdaşlar tibbi ləvazimatların tükəndiyini deyirlər", - açıqlamada qeyd edilib.
Açıqlamada həmçinin Nyala şəhərinə getməsi planlaşdırılan ərzaq, tibbi ləvazimat və su yüklü yük maşınlarının qarşıdurmalara görə avqustun 14-dən Şərqi Darfur əyalətinin Dein şəhərində olduğu və ərzaq paylanmasının təxirə salındığı qeyd edilib.
Digər tərəfdən, Sudan ordusu avqustun 22-də Nyala şəhərində ən yüksək hərbi döyüş rütbəsinə malik yüksək səviyyəli komandir general-mayor Yasir Fədlullah əl-Xızr əl-Saimin vəfat etdiyini açıqlayıb.
Qarşıdurmaların başladığı aprel ayının ortasından bu yana sahədə öldürülən ən yüksək rütbəli əsgər hesab edilən əl-Saimin 3 gün əvvəl əsgərlərilə birlikdə Nyaladakı ordu qərargahında əlləri ilə qəbirlər qazaraq canları bahasına komandanlığı qoruyacaqlarını söylədiyi görüntülər sosial şəbəkədə gündəm olub.
Bütün xəbərlər Facebook səhifəmizdə
USD
EUR
GBP
RUB