Yunanıstan ukraynalı pilotlara F-16 qırıcılarını idarə etməyi öyrədəcək. Bunu avqustun 21-də Afinaya uçan Ukrayna prezidenti Vladimir Zelenski deyib. Danışıqların ilk günündən sonra o, Yunanıstanın baş naziri Kiriakos Mitsotakislə birlikdə jurnalistlərə danışıb. SİA bu barədə rus saytlarına istinad edir.
Zelenskinin dediyi kimi, Yunanıstan rəhbərliyi ilə danışıqlar zamanı o, döyüş meydanındakı vəziyyəti və həm Ukraynanın ərazi bütövlüyünü, həm də qlobal təhlükəsizliyi bərpa etmək üçün birgə imkanları müzakirə edəcək. O, artıq Yunanıstanın baş naziri ilə Ukraynanın müdafiə ehtiyaclarını və ölkəyə mümkün yardımı müzakirə etdiyini bildirib.
Qeyd edək ki, bazar ertəsi axşam Zelenski Qərbi Balkanların digər ölkələrinin liderləri, Avropa Komissiyasının sədri Ursula fon der Leyen və Avropa Şurasının sədri Çarlz Mişel ilə də görüşəcəyi deyilir.
Qeyd edək ki, Ukrayna Rusiyanın genişmiqyaslı işğalı başlayandan bəri Qərb ölkələrindən səmərəli döyüş təyyarələri istəyir.
Yalnız bu il avqustun 20-də Zelenski Avropa ölkələri ilə razılığa gəldiyini açıqlayıb.
Onun sözlərinə görə, Hollandiya və Danimarka F-16 qırıcılarını idarə etmək və saxlamağı ukraynalı pilot və təyyarə mexaniklərinə öyrətdikdən sonra onları Kiyevə təhvil verəcək.
Belə ki, Hollandiya mərhələli şəkildə 42, Danimarka isə 19 qırıcını təhvil verməyə hazırdır. Amma təyyarələrin çatdırılması üçün dəqiq tarixlər hələ müəyyən edilməyib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB