ABŞ ordusu Suriyada separatçı terror təşkilatı PKK/YPG-nin işğalı altında olan Deyr əz-Zor vilayətindəki bazalara təxminən 50 maşından ibarət əlavə qüvvə göndərib.
Avqustun 14-də ABŞ qüvvələrinin karvanı İraq və Suriya arasındakı Əl-Valid sərhəd-keçid məntəqəsindən keçərək Həsəkəyə daxil olub.
Təxminən 50 maşından ibarət karvan Deyr əz-Zor çölündə separatçı terror təşkilatı PKK/YPG-nin işğal etdiyi bölgələrdəki Koniko və əl-Ömər neft yataqlarında ABŞ qüvvələrinin bazalarına çatıb.
ABŞ-ın Bradley və pulemyota quraşdırılmış dörd təkərli maşınlar konvoyları qoruyub.
Konvoylara zirehli texnika, yanacaq tankerləri və sursatla dolu maşınların daxil olduğu bildirilib.
SİA-nın xarici qaynaqlardan əldə etdiyi məlumata görə, ABŞ ordusu 6, 8, 22 və 25 yanvar, 19, 20 iyun və 11 iyul tarixlərində terror təşkilatı PKK/YPG-nin Haseke çölündə zəbt etdiyi Rumeylan, Şeddadi və Tel Beyder qəsəbələrindəki baza və məntəqələrə əlavə qüvvələr göndərib.
Bütün xəbərlər Facebook səhifəmizdə
USD
EUR
GBP
RUB