Tacikistanda son bir neçə gündə yanacaq-sürtkü materiallarının, xüsusən də benzin və maye qazın pərakəndə satış qiymətləri xeyli artıb. Düşənbə və Xücənd yanacaqdoldurma məntəqələrindəki elektron displeylərə əsasən, avqustun 10-da maye qazın bir litrinin qiyməti 4,80 somoni müəyyən edilib. Sürücülər deyirlər ki, cəmi bir həftə əvvəl bu növ yanacağın litri 4 somonidən də aşağı idi.
SİA-nın əldə etdiyi məlumata görə, son günlər benzinin qiymətində artım müşahidə olunur. Avqustun əvvəlində yanacaqdoldurma məntəqələrində Aİ-92 markalı benzinin bir litri 9,20 somoni idisə, hazırda litri 9,80-ə satılır. Aİ-95 markalı benzinin bir litrinin qiyməti 10 somoni keçib.
Hələlik yanacaq-sürtkü materiallarının bahalaşmasının səbəbləri ilə bağlı rəsmi məlumat yoxdur. Tacikistan bazarlarında qiymətlərlə bağlı vəziyyəti izləyən BMT-nin Ümumdünya Ərzaq Proqramının yeni hesabatına görə, ötən həftə benzin və maye qaz da daxil olmaqla yanacaq və sürtkü yağlarının orta qiyməti 12 faiz artıb.
Nazlı
Bütün xəbərlər Facebook səhifəmizdə
USD
EUR
GBP
RUB