Qərbi Afrika Dövlətlərinin İqtisadi Birliyi (ECOWAS) Nigerdə konstitusiya quruluşunun bərqərar olması üçünehtiyat qüvvələrini aktivləşdirir.
SİA-nın əldə etdiyi məlumata görə, Nigeriyada çevriliş gündəmi ilə Nigeriyanın paytaxtı Abucada keçirilən ECOWAS Sammiti başa çatıb.
Sammitdə qəbul edilən qərara əsasən, ECOWAS üzv dövlətlərin müdafiə nazirlərinə Nigerdə “konstitusiya quruluşunun qurulması üçün” ehtiyat qüvvələri hazırlayıb yerləşdirməyi tapşırıb.
Ehtiyat qüvvələrin dəqiq harada yerləşdiriləcəyi ilə bağlı məlumat paylaşılmayıb.
ECOWAS üzv ölkələrin əsgərlərini yerləşdirilməyə hazır vəziyyətə gətirmək qərarına baxmayaraq, problemi danışıqlar yolu ilə həll etməyə hazır olduğunu təkrarlayıb.
Sammitə sədrlik edən ECOWAS-ın növbəti sədri Bola Tinubu deyib: “Diplomatik danışıqlar və dialoq bizim yanaşmamızın əsasını təşkil edir" deyib.
Tinubu danışıqlar yolunun hələ də açıq olduğu mesajını verərkən, son çarə olaraq güc tətbiqinin hələ də masada olduğunu vurğulayıb.
ECOWAS Sammitinin sonunda açıqlanan bəyanatda həm danışıqlar, həm də hərbi müdaxilə variantlarının olduğuna diqqət çəkilərək, böhranın sülh yolu ilə həlli üçün bütün variantların masa üzərində olduğu xatırladılıb.
2003-cü ildə Fil Dişi Sahili və Liberiyaya, 2012-ci ildə Qvineya Bisauya və 2013-cü ildə Maliyə sülhməramlı qüvvə kimi daxil olan və sabitliyi qorumağa çalışan ECOWAS-ın ehtiyat qüvvələri böhran dövründə üzv dövlətlərin göndərdiyi əsgərlərdən ibarətdir.
ECOWAS qüvvələrinin hər hansı bir ölkəyə müdaxilə etməsi üçün ortaq qərar qəbul etməli və ya Afrika Birliyi tərəfindən təyin olunmalıdır.
Hazır qüvvəsi olmayan ECOWAS üzv ölkələrdən təqribən 2750 nəfərdən ibarət “işgüzar qüvvə” və 3750 nəfərlik “əsas qüvvə” cəlb edə bilər.
Mülki şəxslər, polis və əsgərlərdən ibarət ehtiyat qüvvələrinin Mali, Nigeriya və Qanada təlim mərkəzləri yerləşib.
Bütün xəbərlər Facebook səhifəmizdə
USD
EUR
GBP
RUB