Vinnitsa məhkəməsi Ukrayna Pravoslav Kilsəsinin mitropoliti Conatanı Rusiyanın təcavüzünə haqq qazandıran maddə ilə 5 il həbs cəzasına məhkum edib. Müstəntiqlərin fikrincə, Conatan dindarlar arasında rusiyapərəst vərəqələr paylayıb, yeparxiyanın saytında Moskva Patriarxlığının üstünlüyünü bəyan edən məqalə yerləşdirib və Rusiyanın Ukraynaya təcavüzünü dəstəkləyib.
SİA-nın rus saytlarından əldə etdiyi məlumata görə, məhkəmə din xadimini dörd maddə üzrə təqsirli bilib: ərazi bütövlüyünə qəsd; konstitusiya quruluşunun zorakılıqla dəyişdirilməsinə və ya devrilməsinə yönəlmiş hərəkətlər haqqında; Rusiyanın Ukraynaya qarşı silahlı təcavüzünün inkarına və vətəndaşların dini bərabərliyinin pozulmasına dair.
Yeri gəlmişkən Tulçinski və Bratslav Metropoliti Conatan yeparxiyanın vəzifəsini icra edən ilk rəhbər oldu.
Çünki, bundan əvvəl Kirovoqrad vilayətində yerli yeparxiyanın keçmiş rəhbəri, mitropolit Yoasaf rusiyayönlü təbliğat yaydığına görə 3 il müddətinə azadlıqdan məhrum edilib.
Bu arada metropolitenin artıq hökmdən apellyasiya şikayəti verdiyi bildirilir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB