...Alyansın ordusu əvvəllər belə hərbi toqquşmalarda iştirak etmədiyi üçün Ukraynadakı müharibədə NATO-nun hərbi inkişaf strategiyaları səmərəsiz olub.
...Qərb tərəfdaşları ilə hər hansı bir təlim və təcrübə mübadiləsi öz strategiyamızı yaratmağa kömək etməlidir. Və ümid etməməliyik ki, kiminsə strategiyası və ya məsləhəti bizim üçün “panacea”, yəni universal vasitə olacaq. Bu, baş verməyəcək.
SİA-nın Ukrayna saytlarından əldə etdiyi məlumata görə, bu sözləri Ukrayna Silahlı Qüvvələrinin 3-cü ayrıca hücum briqadasının mayoru Maksim Jorin “Novoe Vremya” jurnalına danışarkən deyib.
Onun fikrincə, NATO-nun təcrübəsini mənimsəmək mümkün və lazımdır, lakin alyansa üzv olan ölkələr heç vaxt “əvvəllər bizim indi içində olduğumuz belə müharibə və ya münaqişələrdə birbaşa iştirak etməyiblər”.
...Eyni zamanda, Qərb tərəfdaşları döyüş nəzarəti, qoşunlar və artilleriya sistemləri üçün faydalı inkişaflara malikdir. Ukrayna ordusu bütün bunları öyrənir və mənimsəyir. Strategiyalar Ukrayna təcrübəsini NATO məsləhəti ilə birləşdirməlidir.
Bunu deyən Jorinə görə, Ukrayna Silahlı Qüvvələri hər bina və hər metr üçün sözün əsl mənasında tam fədakarlıqla döyüşməlidir.
Təbii ki, müdafiə qüvvələri təşəbbüsü ələ keçirməyə və irəliləməyə davam edir. Lakin düşmən Ukrayna hərbçilərinin irəliləyişini dayandırmaq üçün ən döyüşə hazır bölmələri hərəkətə gətirir.
Və bu da çətinliklər yaradır.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB