Böyük Britaniyanın baş naziri Rişi Sunak dövlətə xəyanətdə təqsirli bilinən publisist Vladimir Kara-Murzanın (Rusiya Federasiyasında xarici agent kimi tanınır) azadlığa buraxılmasına çağırıb.
SİA-nın əldə etdiyi məlumata görə, bu barədə o, Twitter hesabında yazıb.
“Vladimir Kara-Murzanın şikayətinin rədd edilməsi əsassızdır. O, dərhal azad edilməlidir. Böyük Britaniya onu və ailəsini dəstəkləyir”, - deyə siyasətçi bildirib.
Daha əvvəl məlum olub ki, ümumi yurisdiksiyanın birinci apellyasiya məhkəməsi Kara-Murze üçün 25 il həbs cəzasını qanuni tanıyıb.
Bu qərar onun Moskva Şəhər Məhkəməsinin çıxardığı hökmdən şikayətinə baxıldıqdan sonra qəbul edilib.
Xatırladaq ki, aprelin 17-də Moskva Şəhər Məhkəməsi Kara-Murzanı dövlətə xəyanətdə, arzuolunmaz təşkilatla əməkdaşlıqda və Rusiya Silahlı Qüvvələri haqqında saxta xəbərlər yaymaqda təqsirli bilib.
Kara-Murza 2022-ci ilin yazında həbs edilib. Qeyd edək ki, o, hələ də günahını etiraf etmir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB