2022-ci ildə Rusiyada yeniyetmələr tərəfindən törədilən xüsusilə ağır cinayətlərin sayı 22,5 faiz artaraq son beş ildə maksimuma çatıb.
Bu barədə məlumat Rusiya Prezidenti yanında Uşaq Hüquqları üzrə Müvəkkil Mariya Lvova-Belovanın son bir ildə gördüyü işlərə dair hesabatında yer alıb.
Onun sözlərinə görə, yetkinlik yaşına çatmayanların iştirakı ilə törədilmiş xüsusilə ağır cinayətlərin sayı 22,5 faiz artaraq 2 256 fakt (2021-ci il – 1 841) təşkil edib:
“Bu, son beş ilin ən yüksək göstəricisidir. Eyni zamanda, yetkinlik yaşına çatmayanlar tərəfindən törədilən cinayətlərin ümumi sayı 2021-ci ildə 31,9 min hadisəyə qarşı 4,4 faiz azalaraq 30,5 min təşkil edib.
Cinayətlərin ümumi strukturunda yetkinlik yaşına çatmayanlar arasında cinayətlərin xüsusi çəkisi də 2022-ci ildə 3,1 faizdən 2,9 faizə qədər azalıb. Cinayət törətməkdə 26,3 min yeniyetmə iştirak edib ki, bu da bir il əvvəlkindən (29,1 min) 9,7 faiz azdır”.
Bütün xəbərlər Facebook səhifəmizdə
USD
EUR
GBP
RUB