“Vahid Rusiya”dan olan namizədlər seçki kampaniyasında müharibə mövzusundan istifadə etməkdən qorxurlar.
SİA-nın əldə etdiyi məlumata görə, “Vyerstka” bu barədə partiyanın regionlardakı nümayəndələri və siyasi texnoloqları ilə söhbətdən sonra bildirib.
“Müharibəyə dəstək verdiyinizi bəyan etsəniz, seçilməyəcəksiniz”.
Qeyd edək ki, bunu “Vahid Rusiya” namizədinin adı açıqlanmayan Urals bölgəsində seçkiqabağı qərargahının üzvü deyib.
Onun sözlərinə görə, onların rayonunda müharibəyə dəstək verən bir nəfər də yoxdur. Amma elə kəndlər var ki, müharibəyə gedən əhalinin dörddə biri tabutda qayıdıb.
Oxşar hekayələr Sibir və Uzaq Şərq regionlarında “Vahid Rusiya” kampaniyasının qərargahında da danışılır. Bəziləri seçicilərlə ümumiyyətlə müharibədən danışmırlar.
Xatırladaq ki, 2023-cü il sentyabrın 10-da Rusiyada və işğal olunmuş ərazilərdə onlarla qubernator və regional parlamentlər, həmçinin Dövlət Dumasının dörd deputatının təkrar seçkiləri keçiriləcək.
“Vyerstka” qeyd edib ki, hazırda Rusiyanın heç bir regionu hərbi mövzuları ajiotaj kimi təbliğ etmirlər.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB