ABŞ Müdafiə Nazirliyi (Pentaqon) Ukraynaya hava hücumundan müdafiə sistemlərinin döyüş sursatı və ağır silahlardan ibarət əlavə 400 milyon dollarlıq hərbi yardım paketini açıqlayıb. SİA xarici KİV-ə istinadən xəbər verir ki, Pentaqondan verilən açıqlamada, Ukraynaya 400 milyon dollarlıq yeni hərbi yardım ediləcəyi və paket çərçivəsində Ukraynaya ilk dəfə "Hornet" (korna) pilotsuz uçuş aparatlarının (PUA) göndəriləcəyi bildirilib.
"Casus İHA" kimi tanınan "Hornet" "Teledyne Technologies" tərəfindən istehsal edilib.
Açıqlamada qeyd olunub ki, əlavə hərbi yardıma həmçinin hava hücumundan müdafiə sursatları, artilleriya və sursat, zirehli texnika və zirehli deşici silahlar daxildir. ABŞ-ın müttəfiqləri və tərəfdaşları ilə müharibədə Ukraynaya təcili ehtiyaclar və daha uzunmüddətli təhlükəsizlik yardımı göstərmək üçün işləməyə davam edəcəyi vurğulanıb.
ABŞ dövlət katibi Antoni Blinken verdiyi açıqlamada paketin Müdafiə Nazirliyinin inventarında “kritik hərbi yardım” olduğunu bildirib. ABŞ Rusiya-Ukrayna müharibəsi başlayandan bəri Ukraynaya 41 milyard dollardan çox hərbi yardım edib. Pentaqon sonuncu dəfə iyulun 19-da Ukraynanın döyüş meydanındakı ehtiyaclarını dəstəkləmək üçün yeni 1,3 milyard dollarlıq hərbi yardım paketi elan edib.
Bütün xəbərlər Facebook səhifəmizdə
USD
EUR
GBP
RUB