Sudan Həkimlər Birliyi paytaxt Xartumda və digər münaqişə zonalarında xəstəxanaların 70 faizinin xidmətdən çıxdığını bildirib. SİA xarici KİV-ə istinadən xəbər verir ki, Birlik ordu ilə Çevik Dəstək Qüvvələri arasında aprelin ortalarında başlayan və 100 gün davam edən qarşıdurmaların səhiyyə ocaqlarına təsiri ilə bağlı açıqlama verib.
Açıqlamada paytaxt və digər şəhərlərdəki 89 xəstəxanadan 62-nin xəstə qəbul edə bilmədiyi, 27 xəstəxananın normal və ya qismən fəaliyyətini davam etdirdiyi, münaqişə zonalarında yerləşən xəstəxanaların 70 faizinin isə xidmət göstərə bilmədiyi bildirilib. Səhiyyə işçiləri və tibbi avadanlıq çatışmazlığı, su və elektrik enerjisinin kəsilməsi səbəbindən fəaliyyət göstərən xəstəxanaların da bağlanma təhlükəsi ilə üzləşdiyinə diqqət çəkərək, aşağıdakılar qeyd edilib: "Son vaxtlar xəstəxanalara və tibb işçilərinə qarşı bəzi hücumlar olub. Keçən cümə günü Xartumun cənubundakı Türkiyə Xəstəxanasına tibbi ləvazimat çatdıran təşkilat komandası (Sərhədsiz Həkimlər) vuruldu. Onların maşınları talan edildi və sürücü saxlanıldı. Münaqişə başlayandan bəri bombalanan xəstəxanaların sayı 19-a yüksəlib, şəhərdə isə bütün səhiyyə ocaqlarının sayı 19-a çatıb".
Bütün xəbərlər Facebook səhifəmizdə
USD
EUR
GBP
RUB