Ukrayna əks-hücumunun başlanğıcında Qərb hərbi rəsmiləri Kiyevin kifayət qədər silah və sursata malik olmadığını bilirdilər, lakin ukraynalıların cəsarəti və bacarıqlılığının qalib gələcəyinə ümid edirdilər.
SİA-nın xarici qaynaqlardan əldə etdiyi məlumata görə, bunu “The Wall Street Journal” yazır.
Beləliklə, nəşrin yazdığına görə, bu gün Ukrayna qoşunlarının irəliləməsi minalanmış sahələr, geniş istehkam xətləri və Rusiya aviasiyası tərəfindən əngəllənir. Ona görə də “dalana dirənən” Ukrayna silahlıları qüvvələrini əhəmiyyətli yerdəyişmələr olmadan itirmək riski altındadır. Qəzet yazır ki, bu il Kiyevin hər hansı böyük irəliləyiş ehtimalı azaldığından, Vaşinqton və onun müttəfiqləri baha başa gələn döyüşlər perspektivi ilə üzləşirlər.
...Bu gün ABŞ prezidenti Cozef Baydenin yenidən seçiləcəyi gözləntiləri və Ukraynadakı hərbi əməliyyatların seçki kampaniyasına təsiri ilə bağlı qorxular getdikcə Ağ Evi Kiyevə yardımın həcmi ilə bağlı ehtiyatlı davranmağa sövq edir.
Eyni zamanda, Amerika tərəddüdləri son aylarda artan liderlərin Ukraynanın qitənin təhlükəsizliyi üçün qalib gəlməli olduğu qənaətinə gəldiyi Avropa ilə ziddiyyət təşkil edir.
Məsələ bundadır ki, hazırda Avropa ölkələrinin Kiyevi irəlilətmək və ərazini geri almaq üçün lazım olan hər şeyi təmin etmək üçün resursları çatışmır. Qərb diplomatları bildirirlər ki, ABŞ-ın müqaviməti halında Avropa liderlərinin Ukraynaya dəstəyi əhəmiyyətli dərəcədə artıracağı ehtimalı yoxdur.
Rus saytlarının iddiasına görə, bu fikirləri də xarici nəşr yazıb.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB