Türkiyədə yanvar, fevral və mart aylarından ibarət olan birinci rübdə ölkədə yaşayan 8 milyon 601 min adam səyahətə çıxıb. SİA Türkiyə mətbuatına istinadən xəbər verir ki, bir və ya daha çox gecələmə ilə ölkə daxilində səyahət edənlərin ümumi səfər sayı əvvəlki ilin eyni rübünə görə yüzdə 14,5 artaraq 10 milyon 90 min səfər təşkil edib. Bu rübdə səyahət edənlər 74 milyon 530 min gecələmə edib. Gecələmələrin orta sayı 7,4 gecə olub.
Səyahətçilər 22 milyard 271 milyon 455 min TL xərcləyib
2023-cü ilin birinci rübündə yerli turistlərin səyahət xərcləri bir əvvəlki ilin eyni rübünə görə yüzdə 82,8 artaraq 22 milyard 271 milyon 455 min TL olub. Bu xərclərin 94,5 faizini 21 milyard 47 milyon 636 min TL ilə şəxsi xərclər, 5,5 faizini isə 1 milyard 223 milyon 819 min TL ilə paket tur xərcləri təşkil edib. Gəzinti başına ortalama xərc 2 min 207 TL olub. Bu rübdə xərc növlərinin ümumi səyahət xərclərində bölüşdürülmə əmsalları təhlil edildikdə, yemək və içki xərcləri yüzdə 35,3, nəqliyyat xərcləri yüzdə 32,4 və yaşayış xərcləri yüzdə 9,8 ilə ən yüksək paya sahib olub. Bu xərc növlərinin əvvəlki ilin eyni dövrü ilə müqayisədə dəyişmə nisbətləri təhlil edildikdə, qida və içki xərclərində 116,9 faiz, nəqliyyat xərclərində 75,8 faiz, yerləşdirmə xərclərində 61,6 faiz artım olduğu müşahidə edilib. Yüzdə 65,8 ilə qohumlarını ziyarət etmək üçün edilən səyahətlər birinci yerdədir. Səyahət məqsədləri baxımından "səyahət, əyləncə, tətil" 18,4 faizlə ikinci olub. Bu rübdə səyahət edənlər 58 milyon 535 min gecələmə ilə daha çox “dost və ya qohum evlərində” qalıblar. Yerləşdirmə növlərinə görə, gecələmələrin sayında ikinci yeri 6 milyon 441 min gecə ilə “öz evi”, üçüncü yeri isə 3 milyon 685 min gecələmə ilə “otel” tutub.
Bütün xəbərlər Facebook səhifəmizdə
USD
EUR
GBP
RUB