NATO rəhbərliyi Şimali Atlantika Alyansının iyulun 11-12-də Litvanın paytaxtında keçiriləcək sammiti ərəfəsində Vilnüsdə təhlükəsizlik tədbirlərinin gücləndirilməsi barədə göstəriş verib.
SİA-nın əldə etdiyi məlumata görə, NATO-nun Vilnüsu “gücləndirmək” istəyi tədbirin Litvanın Belarusla sərhədindən 30 km, Rusiyanın Kalininqrad vilayətindən isə 150 km aralıda keçirilməsi ilə bağlıdır.
KİV-in məlumatına görə, 16 NATO üzvü sammitin təhlükəsizliyini təmin etmək üçün yerli qüvvələrlə birgə çalışacaq minə yaxın hərbçi göndərib.
Beləliklə, Almaniyanın Litvaya 12 “Patriot” hava hücumundan müdafiə sistemi göndərdiyi də bildirilir.
İspaniya - NASAMS qısa və orta mənzilli hava hücumundan müdafiə sistemləri, Fransa - Seasar haubitsaları, həmçinin Finlandiya və Danimarka ilə birlikdə hərbi aviasiyasının bir hissəsini müvəqqəti olaraq bu ölkədə yerləşdiriblər.
Polşa və Almaniya Litvaya döyüş helikopterləri ilə xüsusi cavab bölmələri, Böyük Britaniya və Fransa isə pilotsuz uçuş aparatları göndərib.
“Reuters”in məlumatına görə, səkkiz alman “Patriot” kompleksi Vilnüs hava limanının yaxınlığında yerləşir və Kalininqrad vilayətinə, daha ikisi isə Belarusa yönəlib. Bütün qurğular xəbərdardır. Vilnüs sakinlərinə yolların bağlı olması səbəbindən sammit müddətində şəhəri tərk etmək tövsiyə olunub.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB