Bu arada Rusiya İstintaq Komitəsi “Global Spirits” holdinqinin təsisçisi, ukraynalı iş adamı Yevgeni Çernyakı axtarışa verib.
SİA-nın rus saytlarından əldə etdiyi məlumata görə, o, terrorçuluğu maliyyələşdirməkdə ittiham olunur. İstintaq Komitəsi iddia edir ki, Çernyak adı açıqlanmayan şərikləri ilə birlikdə 2022-ci ildə Ukrayna silahlı qüvvələrinə Rusiya Federasiyası ərazisində terror fəaliyyətinin həyata keçirilməsinə kömək etmək üçün 500 milyon rubldan çox pul köçürüb.
Bundan əlavə, İstintaq Komitəsinin məlumatına görə, o, 2023-cü ildə Ukrayna Silahlı Qüvvələrinə 90 milyon rubldan çox məbləğdə döyüş əməliyyatları üçün nəzərdə tutulmuş mallar göndərib.
Qeyd edək ki, bu gün Moskvanın Zamoskvoretski Məhkəməsi “Global Spirits”lə əlaqəli iki iş adamı: “Rodnik and K” içki zavodunun və Rusiyanın Şimal şirkətinin sahibi Aleksandr Bespalov və “Rodnik and K” şirkətinin baş direktoru Andrey Lazutin barəsində qabaqlayıcı tədbirlərə dair işə baxıb.
Onlar rüşvət verməkdə ittiham olunurlar. Eyni zamanda, İstintaq Komitəsi ad çəkmədən hər ikisinin Çernyak və onun biznesi ilə əlaqəli olduğunu göstərir. Məhkəmənin qərarı ilə Alexander Bespalov həbs edilsə də, Andrey Lazutinin müəyyən hərəkətlərinə qadağa qoyulub.
Yeri gəlmişkən, “Global Spirits” şirkəti spirtin əsas istehsalçısıdır. O, başqa şeylər arasında, “Xortitsa”, “Pervak” və “Moroşa” kimi araq markalarına sahibdir.
Onu da qeyd edək ki, Rusiyanın Ukraynaya hərbi təcavüzünün başlamasından sonra “Global Spirits” Rusiya və Belarus bazarlarından çıxdığını elan edərək, məhsullarının bu ölkələrdə istehsal və satışı üçün lisenziyalarını ləğv edib. Rusiyadakı “Global Spirits” istehsal müəssisələri isə 2022-ci ilin yazından etibarən sahiblərini dəyişib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB