Bu arada Dmitri Medvedev Rusiya prezidenti Vladimir Putinin ətrafında birləşməyə və parçalanmanı aradan qaldırmağa çağırıb. SİA-nın rus saytlarından əldə etdiyi məlumata görə, Rusiya Təhlükəsizlik Şurası rəhbərinin müavininin müvafiq yazısı bu gün, iyunun 24-də özünün Telegram səhifəsində dərc olunub.
Rusiya Federasiyasının eks-prezidenti Dmitri Medvedev Rusiyanın “xarici və daxili düşmənini məğlub etmək üçün” Ali Baş Komandanın ətrafında birləşməyə çağırıb, çünki parçalanma fəlakətə aparan yoldur.
“İndi Vətənimizi parçalamağa, dövlətimizi xilas etməyə ac olan xarici və daxili düşmənə qalib gəlmək üçün ən vacibi ölkə Prezidentinin, ölkə Silahlı Qüvvələrinin Ali Baş Komandanının ətrafında sıx birləşməkdir. Parçalanma və xəyanət - ən böyük faciəyə, ümumbəşəri fəlakətə aparan yoldur. Biz buna imkan verməyəcəyik. Düşmən məğlub olacaq! Qələbə bizim olacaq!”.
BunuMedvedev yazıb.
Qeyd edək ki, bundan əvvəl Rusiya Dövlət Dumasının və Federasiya Şurasının spikerləri Vyaçeslav Volodin və Valentina Matvienko “Vaqner” PMC ilə bağlı vəziyyətə münasibət bildiriblər.
...Rusiya parlamentinin sədri bütün dövrlərdə “ölkənin problemləri və bəlalarının həmişə yalnız xəyanət, daxili parçalanma və elitanın xəyanəti üzündən baş verdiyini” xatırladıb və Vladimir Putini dəstəkləməyə çağırıb.
...Valentina Matviyenko, indiki vəziyyətdə bütün cəmiyyətin, sakinlərin və istisnasız olaraq Federasiyanın bütün subyektlərinin rəhbərliyinin məsuliyyətli və konsolidasiya edilmiş mövqeyinin vacib olduğunu bildirib.
Xatırladaq ki, bu gün səhər saatlarında Rusiya prezidenti Vladimir Putin xalqa müraciətində silahlı üsyana cəhd olduğunu bildirərək, bunu “xəyanət” və “kürəyindən bıçaq zərbəsi” adlandırmışdı.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB