İspaniya La Liqasında 2023/24 mövsümünün püşkü atılıb. SİA xəbər verir ki, son çempion “Barselona” yeni mövsümə səfərdə “Xetafe”yə qarşı keçirəcəyi oyunla start verəcək. Madrid “Real”ı isə ilk turda “Atletik”in qonağı olacaq.
Mövsümə avqustun 13-də start veriləcək. Son turun qarşılaşmaları isə 2024-cü ilin mayın 26-na təsadüf edəcək.
“El klasiko”ların da tarixləri müəyyənləşib. “Real”la “Barselona” arasındakı ilk matç 11-ci tura təsadüf edəcək və oktyabrın 29-da Kataloniyada keçiriləcək. Madriddəki görüş isə 32-ci turda, 2024-cü ilin 21 aprelində baş tutacaq.
Bütün xəbərlər Facebook səhifəmizdə
USD
EUR
GBP
RUB