Rusiya prezidenti Vladimir Putin çərşənbə günü, iyunun 21-də ali hərbi təhsil müəssisələrinin məzunları ilə görüşündə Ukrayna Silahlı Qüvvələrinin strateji ehtiyatlardan istifadə etməklə iyunun 4-də hücuma keçdiklərini, lakin ciddi itkilər verib, artıq sakitlikləşdiklərini bəyan edib.
SİA-nın əldə etdiyi məlumata görə, Ukrayna Silahlı Qüvvələrinin şəxsi heyət və texnika baxımından böyük itkilər verdiyini qeyd edən Putin, qarşı tərəfin bu gecə artıq 245 tank və təxminən 678 müxtəlif tipli zirehli texnika itirdiyini bildirib.
“Hazırda müəyyən bir sakitlik müşahidə edirik. Bu, düşmənin ciddi itkilər verməsi ilə bağlıdır: həm şəxsi heyətdə, həm də texnikada. Bu gecənin məlumatına görə, bizim döyüşçülər düşmənin 245 tankını vurublar”, - Rusiya lideri bildirib bunu.
Rusiya prezidenti əlavə edib ki, düşmən hazırda xeyli itki vermiş briqadalardan yeni bölmələr yaradaraq, hazırda döyüş qabiliyyətini bərpa edir. O, əmindir ki, Ukrayna tərəfi gələcəkdə mümkün irimiqyaslı itkilərdən qorxur, çünki bu, təkcə hücum potensialının deyil, həm də bütün ordunun döyüş qabiliyyətinin itirilməsinə səbəb ola bilər.
Sonda Rusiya rəhbəri qeyd edib ki, dağıdılan Ukrayna texniki avadanlıqları arasında Qərb modelləri də var ki, bu da xüsusi maraq doğurur.
Qeyd edək ki, bundan əvvəl Vladimir Putin, Ukraynadakı hərbi əməliyyat iştirakçılarının Rusiyanın ərazi bütövlüyünü qoruduğunu bildirmişdi.
Putinin sözlərinə görə, söhbət Rusiyanın suveren inkişaf hüququnun və 2022-ci ildə DXR, LPR, Zaporojye və Xerson vilayətlərinin sakinlərinin, eləcə də 2014-cü ildə krımlıların və sevastopolluların etdiyi tarixi seçimin qorunmasından gedir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB