NATO liderləri iyulun ortalarında Vilnüsdə keçiriləcək sammitdə Ukraynanı NATO-ya üzv olmaq üçün dəvət etməyəcəklər. SİA “The Guardian” nəşrinə istinadən xəbər verir ki, bunu NATO-nun baş katibi Yens Stoltenberq təsdiqləyib.
O, bu barədə Berlində Almaniya kansleri Olaf Şolzla görüşdən sonra jurnalistlərə açıqlamasında deyib: “Vilnüs sammitində və sammitə hazırlıq zamanı biz Ukraynaya rəsmi dəvətin verilməsini müzakirə etmirik”.
Bütün tərəflər uzun müddətdir ki, Ukraynanın müharibənin ortasında NATO-ya üzv ola bilməyəcəyini qəbul edib, lakin Baltikyanı ölkələr və Polşanın dəstəklədiyi Kiyev münaqişə sona çatdıqdan sonra onun qoşula biləcəyi tarix və ya vaxt cədvəlini istəyir.
Bütün xəbərlər Facebook səhifəmizdə
USD
EUR
GBP
RUB