Meksikanın şimal-qərb və cənub-şərqində mövsüm normalarından yüksək olan həddindən artıq istilər qeydə alınıb. SİA xarici KİV-ə istinadən xəbər verir ki, istilər səbəbindən 8 nəfər həyatını itirib.
Səhiyyə Nazirliyi onlarla insanın günvurma şikayəti ilə xəstəxanalara müraciət etdiyini və onlardan 8-nin dünyasını dəyişdiyini bildirib. Xüsusilə Sonora, Verakruz, Kintana Roo və Oaxaka əyalətlərində təsirli olan isti havanın bir neçə gün daha davam edəcəyi qeyd edilib.
Meteoroloqlar günorta saatlarında günəşin düz bucaq altında vurduğu zaman çox zərurət olmadıqda çölə çıxmamağı tövsiyə ediblər. Temperaturun 40 dərəcəni keçdiyi Meksikada son illərin ən qızmar günlərinin yaşandığı vurğulanıb.
Bütün xəbərlər Facebook səhifəmizdə
USD
EUR
GBP
RUB