Kaxovka su elektrik stansiyasının partlamasından sonra Xerson vilayətini su basması nəticəsində ölənlər var. SİA xarici KİV-ə istinadən xəbər verir ki, bu barədə Oleşek şəhərinin meri Yevgeni Rişuk məlumat verib.
“Artıq 3 nəfər ölüb. Daha iki nəfər xəstəxanaya çatdırılıb. Düşünürəm ki, ölüm sayı daha çox olacaq”, - Rişuk bildirib.
Şəhər hərbi idarəsinin rəisi Tatyana Qasanenko daşqın qurbanlarının sayının hələlik dəqiq məlum olmadığını qeyd edib.
Qasanenkonun sözlərinə görə, şəhərin 85%-i su ilə örtülüdür. Özbaşına evakuasiya etmək mümkün olmadığından insanlar saatlarla evlərinin damında oturub kömək gözləyirlər.
Bütün xəbərlər Facebook səhifəmizdə
USD
EUR
GBP
RUB