Pakistan hakimiyyəti aralarında qadın və uşaqların da olduğu 25 əfqan qaçqını həbsdən azad edərək vətənlərinə qaytarıb.
SİA APA-ya istinadən xəbər verir ki, bu barədə "TOLO News" "Taliban"ın Kəraçidəki konsuluna istinadən məlumat yayıb.
Əfqanlar Pakistanın ölkənin cənub-şərqində yerləşən Sind əyalətində həbs edilib.
Onlar Əfqanıstanın İslamabaddakı səfirliyinin səyləri nəticəsində Spin-Boldak-Çaman keçid məntəqəsindən keçərək vətənlərinə qaytarılıblar.
Telekanal azad edilən Əfqanıstan vətəndaşlarının nə üçün Pakistan hakimiyyəti tərəfindən saxlandığı barədə təfərrüatlı məlumat verməyib.
Bütün xəbərlər Facebook səhifəmizdə
USD
EUR
GBP
RUB