Türkiyədə keçirilən prezident seçkilərinin ikinci turunun təhlükəsizliyini 596,7 min hüquq-mühafizə orqanı əməkdaşı təmin edir. SİA-nın əldə etdiyi məlumata görə, bu barədə xəbəri ölkənin Daxili İşlər Nazirliyindəki mənbələrə istinadən “CNN Türk” telekanalı yayıb.
O cümlədən, təhlükəsizliyin təmin edilməsinə 324,4 min polis əməkdaşı, 193,9 min jandarma nümayəndəsi və 2,6 min sahil mühafizəsi cəlb olunub.
Telekanal qeyd edib ki, 73 helikopter, səkkiz təyyarə, 61 pilotsuz uçuş aparatı, 754 su şırnağı və 244 donanma aktivi, əksəriyyəti qayıqlar istifadəyə hazır vəziyyətə gətirilib.
Ölkədəki ümumi vəziyyət Türkiyə Daxili İşlər Nazirliyinin Təhlükəsizlik və Fövqəladə Hallar Mərkəzində monitorinq edilir. Ölkənin 81 rayonundan məlumat daxil olur.
Bütün xəbərlər Facebook səhifəmizdə
USD
EUR
GBP
RUB