NATO-nun Baş katibi Yens Stoltenberq 24 fevral 2022-ci ildə başlayan Rusiya-Ukrayna müharibəsi davam etdiyi müddətdə Ukraynanın NATO üzvlüyünün gündəmdə olmadığını açıqlayıb.
Stoltenberq Belçikanın aparıcı beyin mərkəzlərindən biri olan Alman Marşal Fondunun təşkil etdiyi Brüssel Forumu tədbirində çıxış edib.
SİA-nın əldə etdiyi məlumata görə, Müharibə Ukraynanın NATO-ya üzvlüyünü asanlaşdırıbmı sualına Stoltenberq belə cavab verib:
"Həm bəli, həm də yox. Məncə, hər kəs bilir ki, Ukrayna müharibənin ortasında olanda NATO-ya qoşulmaq bizim gündəmimizdə deyil. Məsələ bunda deyil. Söhbət daha çox müharibə bitəndə baş verənlərdən gedir".
Müharibənin Ukraynaya verdiyi dəstək səbəbiylə Ukraynanı NATO-ya yaxınlaşdırdığını bildirən Stoltenberq deyib:
"Pilotların təliminə başladığımızda, onlar getdikcə daha çox NATO avadanlıqlarından istifadə edirlər, onlar müxtəlif NATO sistemlərinin necə idarə olunmasına gəldikdə, əlbəttə ki, yaxınlaşırlar. Buna görə, Vilnüs sammitində Ukraynaya Sovet dövründən qalma doktrinalardan, avadanlıqlardan keçməyə kömək etmək üçün hazırlanan çoxillik proqram üzrə razılığa gələ biləcəyimizə ümid edirem”.
Sahədəki vəziyyətin “zəiflətmə müharibəsinə” çevrildiyini bildirən Stoltenberq "Zəiflətmə müharibələri logistik müharibələrə çevrilir" ifadəsini işlədib.
Stoltenberg "F-16 döyüş təyyarələrimi verməliyik, yoxsa tank?" sualına fokuslanaraq, bütün verilmiş sistemlərin davamlı və səmərəli işləməsi məsələsini nəzərdən qaçırmaq olmaz" deyib.
Bütün xəbərlər Facebook səhifəmizdə
USD
EUR
GBP
RUB