Türkiyədə 28 may 2023-cü il bazar günü keçiriləcək prezident seçkilərinin ikinci turu üçün xarici nümayəndəliklərdə səsvermə prosedurları bu gün başa çatacaq. SİA bu barədə Tükiyə saytlarına istinad edir.
Seçkilərin ikinci turu üçün xarici seçicilər siyahısında qeydə alınmış 3 milyon 423 min 759 seçicidən 1 milyon 797 min 463-ü xarici nümayəndəlik və sərhəd-keçid məntəqələrində səs verib.
Ali Seçki Şurasının (YSK) seçkilər üçün müəyyən etdiyi təqvimə əsasən, xaricdəki seçici siyahılarında qeydə alınmış seçicilərin səs verə bilmələri üçün 73 ölkədə 151 nümayəndəlikdə 167 nöqtədə seçki məntəqələri qurulub.
YSK-nın təqviminə əsasən, mayın 20-də başlayan səsvermə prosesi bu gün başa çatacaq.
Xarici seçici siyahılarında qeydiyyatdan keçmiş şəxslər yerli vaxtla saat 22:00-a qədər seçki qutusuna gedərək səslərini verə biləcəklər.
Bu arada sərhəd-keçid məntəqələrində mayın 28-i saat 17.00-a qədər səs verə biləcək.
Xaricdə səsvermə prosesi başa çatdıqdan sonra səslər YSK-nın müəyyən etdiyi üsullarla yüksək təhlükəsizlik tədbirləri daxilində diplomatik kuryerlər tərəfindən Türkiyəyə gətiriləcək.
Xarici seçicilərin verdiyi səslər 28 may bazar günü saat 17.00-da səsvermə prosesi başa çatdıqdan sonra Türkiyədəki digər seçki qutuları ilə birlikdə açılacaq.
Bütün xəbərlər Facebook səhifəmizdə
USD
EUR
GBP
RUB