Mərkəzi qərargahı Polşanın paytaxtı Varşavada olan Avropa İttifaqının sərhəd agentliyi olan “Frontex” Avropa İttifaqı ölkələrinə qeyri-qanuni girişlərin ilin ilk 4 ayında əvvəlki ilin müvafiq dövrü ilə müqayisədə 30 faiz artaraq 80 min 700-ə çatdığını bildirib.
SİA xarici qaynaqlara istinadən xəbər verir ki, "Frontex"in yaydığı məlumata görə, ilin ilk 4 ayında Avropa İttifaqının xarici sərhədlərində aşkarlanan qeyri-qanuni sərhəd keçidlərinin sayı, ilk hesablamalar çərçivəsində 2016-cı ildən bəri ən yüksək rəqəmə çatıb.
Cari ilin ilk 4 ayında girişlər üçün ən çox istifadə edilən marşrut Mərkəzi Aralıq dənizi olub. Bu marşrutdan 42 min 165 nəfər Avropa İttifaqı ölkələrinə daxil olub. Bu, ötən ilin eyni dövrü ilə müqayisədə 292 faiz artım olaraq qeydə alınıb. Kot-d'İvuar, Qvineya və Pakistan vətəndaşları Mərkəzi Aralıq dənizi marşrutunu ən çox qanunsuz keçənlər olub.
İkinci marşrut olan Qərbi Balkanlardan daxil olanların sayı isə 21 faiz azalaraq 22 min 546-ya düşüb. Bu marşrutdan daha çox suriyalılar və əfqanlar istifadə edirdilər.
Üçüncü sırada olan Şərqi Aralıq dənizindən gələnlərin sayı isə 31 faiz azalaraq 7 min 856-ya düşüb. Şərqi Aralıq dənizi marşrutundan ən çox istifadə edənlər suriyalılar, fələstinlilər və əfqanlar olub.
Bütün xəbərlər Facebook səhifəmizdə
USD
EUR
GBP
RUB