Fransa prezidenti Emmanuel Makron Ukrayna Silahlı Qüvvələrinin silah təchizatı ilə bağlı vəziyyəti şərh edib. SİA-nın əldə etdiyi məlumata görə, o, bu barədə TF1 telekanalının efirində danışıb.
Beləliklə, Makron bildirib ki, Fransa Ukraynanı Rusiyaya hücum etməyə imkan verən silahlarla təmin etmir. O vurğulayıb ki, ölkənin strategiyası Kiyevə yardımı davam etdirməkdir.
Makronun dediyinə görə, Fransanın strategiyası sadədir: Ukraynanın sağ qalmasına kömək etmək və vaxtı gələndə tərəfləri onun seçdiyi şərtlərlə danışıqlar masasına qaytarmaq. Təbii ki, davamlı sülh yaratmaq üçün əks-hücum təşkil etmək lazımdır.
Xatırladaq ki, bundan əvvəl Makron Ukrayna Silahlı Qüvvələrinin pilotları üçün Fransada təlim müddəti təklif etmişdi. Onun sözlərinə görə, Paris hazırda buna başlamağa hazırdır.
“Bu gün artıq təhvil verilmiş silahların hazırlanması və təmiri əsas vəzifələrdir”, - deyə Fransa lideri bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB