Tiflisin mərkəzində Rusiya prezidenti Vladimir Putinin gürcülər üçün vizaların ləğvi və Gürcüstanla Rusiya arasında hava əlaqəsinin bərpası ilə bağlı qərarına etiraz aksiyası keçirilir.
SİA-nın əldə etdiyi məlumata görə, bu barədə hadisə yerində olan “İzvestiya”nın müxbiri Giorgi Dzhabişvili bildirib.
Onun sözlərinə görə, guya beş-altı nəfərdən ibarət etirazçılar Rustaveli prospektində parlament binası yaxınlığında toplaşıblar.
“Hazırda aksiyanın təşkilatçıları etirazçılara müraciət edir və bildirmək olar ki, Tiflisdə bu qərarın (vizanın ləğvi və hava hərəkətinin bərpası ilə bağlı – A.B.) tərəfdarları onun əleyhdarlarından qat-qat çoxdur”.- deyə jurnalist bildirib.
Həmin gün Rusiya aviaşirkətlərinin Gürcüstanın Mülki Aviasiya Agentliyindən ölkəyə uçuşlara başlamaq üçün icazə istəməsi barədə məlumat yayılıb. Sonradan məlum oldu ki, Rusiyanın ilk aviadaşıyıcısı “Azimut” şirkətinə Tiflisə uçuşlara icazə verilib. İlk çarter reysi mayın 17-də həyata keçiriləcək.
Xatırladaq ki, Rusiya prezidenti Vladimir Putin mayın 15-dən Gürcüstanla viza rejimini ləğv edib. Bununla Rusiya aviaşirkətləri üçün birbaşa uçuşlara qoyulan qadağa da aradan qaldırılıb. Daşıyıcılar həftədə Moskvadan Tbilisiyə və əks istiqamətdə yeddi birbaşa uçuş həyata keçirməyi planlaşdırırlar.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB