...Ukrayna Silahlı Qüvvələri Artemivsk (Baxmut) bölgəsində Rusiya qüvvələrini mühasirəyə almaq üçün əməliyyata başlayıblar
SİA-nın rus saytlarından əldə etdiyi məlumata görə, bunu rusiyalı müxbir Yevgeni Poddubnı bildirib.
Poddubnı qeyd edib ki, Ukrayna qüvvələri Artemovsk və ətraf rayonlarda yerləşən Ukrayna qüvvələrinin arxasına çatmaq üçün cinahlara zərbələr endirməyi planlaşdırır.
Onun həmkarı Aleksandr Simonovun sözlərinə görə, Ukrayna Silahlı Qüvvələri Berxovka və Yaqodnoye istiqamətində irəliləyiş əldə edib, həmçinin Kleşçeevka ərazisində də xeyli uğur qazanıblar.
“...Kiyev Artyomovsk istiqamətində qüvvələrimizi mühasirəyə almaq üçün əməliyyat keçirməyə başlayıb. “Vaqner” PMC-nin rəhbəri bu planlar barədə dəfələrlə danışıb. Artıq yazmışdım ki, ukraynalılar Artemovsk və ətraf ərazilərdə yerləşən qüvvələrimizin arxasına çatmaq üçün cinahlara zərbə endirməyi planlaşdırırlar”.
Bu, rusiyalı müxbirin bildirdikləridir.
Bundan əlavə, hər birində 2-3 tank olan zirehli dəstələrin dəstəyi ilə Ukrayna Silahlı Qüvvələri Soledar bölgəsində sıçrayış təşkil edə biliblər. Ukrayna Silahlı Qüvvələrinin yaraqlıları indi öz mövqelərində möhkəmlənməyə çalışırlar və belə görünür ki, bizimkilər, yəni ruslar üçün vəziyyət elə də yaxşı deyil, qısası çox ağırdır.
Poddubnı həmçinin, Ukrayna Silahlı Qüvvələrinin yaxın 24 saat ərzində rus qoşunlarını döyüşlərdə bağlamaq və birinci müdafiə xəttini yarmağa çalışmaq üçün cənubda, Orexov vilayətində səylərini artıra biləcəklərini də istisna etməyib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB